सातु , सरबत : अक्षय तृतीया
एउटा यस्तो चाड छ जहाँ जे गरे पनि पुण्य पाइन्छ, खाँदै-खाँदै स्वर्ग जान पाइन्छ, अनि पानी पिएर पनि बोधीज्ञान प्राप्त हुन्छ! के हो त त्यो चाड?
त्यो हो—हाम्रो अक्षय तृतीया।
अक्षय तृतीया के हो?
वैशाख शुक्ल तृतीया अर्थात् अक्षयतृतीया। वैशाखमा आउने यस्तो दिन हो जहाँ जप, स्नान, पूजा, होम, दान, जे गरे पनि "अक्षय" अर्थात् अनन्त फल दिनेछ। । एउटा बोनस: त्यो दिन तपाईंले गरेको राम्रो कामको ब्याज बैंकको ब्याजभन्दा कयौँ गुणा बढि हुन्छ।
अक्षय तृतीयाको पौराणिक मत
अक्षय तृतीयाको पौराणिक इतिहास महाभारत कालदेखिकै पाइन्छ । जब पाण्डवहरु १२ वर्ष निर्वासनमा थिए, एक दुर्वासा ऋषि उनीहरूको कुटीमा आए । द्रौपदीले उहाँको भक्तिपूर्वक सत्कार गरिन्, जे छ त्यही खान दिइन्। द्रौपदीको सेवा देखेर खुसी भएका दुर्वासाले उनलाई एक अक्षय पात्र (कुनै दिन सकिँदैन) दिए। भाँडा दिँदै दुर्वासाले द्रौपदीलाई अक्षय तृतीयाको महत्वको बारेमा समेत बताएर गएका थिए । यस दिन पृथ्वीमा जो कोहीले विष्णुलाई विधि विधानले पूजा गर्छ वा चना, सातु, मौसमी फल, कपडा र पानीले भरिएको घडा दान गर्छ उनको घरको भण्डार सधैं पूर्ण रहनेछ । त्यही कथाको आधारमा यो पर्वको महत्व बढ्न गएको हो ।
"हिस्टोरिक इभेन्ट्स" अफ अक्षय तृतीया
सत्ययुगको सुरुवात यही दिन।
परशुरामजीको बर्थडे पार्टी यही दिन।
महाभारत लेख्न सुरू गरेको पनि यही दिन।
गंगा माता पनि "Earth Entry" यही दिन।
महादेव र पार्वतीको "लभ म्यारिज " अर्थात विवाह एनिभर्सरी पनि यही दिन।
यत्रा धेरै पौराणिक कार्यक्रम एकै दिन?
This is "Events Overload Day"! 😄अक्षय तृतीया भनेको पौराणिक हिसाबले फुल-प्याकेज फेस्टिवल हो।
पूजा र दान "Deals of the Year"
जल, अन्न, वस्त्र, सातु र सरबत दान गर्नुहोस्। पुण्यको बम्पर अफर पाइन्छ।यस दिन जे गरे पनि बोनस पाइन्छ रे! धेरै नै पवित्र दिन।
जप गर्यो भने 2x पुण्य!
दान गर्यो भने Unlimited Reward!
पूजा गर्यो भने "VIP Entry" स्वर्गलोकमा!
धेरै नै पवित्र दिन। नत्र त बौद्ध धर्मको ग्रन्थले किन भन्थ्यो "सातु र शरबत दान गरे बुद्धत्व मिल्छ!" (थप नपुछ्नुस्, सीधा बुद्धत्व! 🙏) धर्मशास्त्रले नै ग्यारेन्टी दिएको छ। अनि आफूलाई सेल्फी लिन नबिर्सनुहोस् "अक्षय तृतीयामा पूजा गर्दै" भन्दै स्टोरी हाल्न पाउँदा अर्कै मजा! 📸
अब तपाईंलाई थाहा भयो होला — यस्तो भव्य दिन मिस गर्नु भनेको फुल टप मिसन अफ लाइफ! 😄
अक्षय तृतीयाको मेनु: सातु र सरबत
यसो सुन्दा लाग्ला — "ओहो, धार्मिक चाड भनेको त धुप-धुवा मात्रै हो होला" — तर होइन है! अक्षय तृतीयामा त सातु र सरबतको धुमधाम हुन्छ। अर्थात देउता आफैं सिफारिस गरेको मेनु !
सरबत र सातु : ग्रीष्मकालीन सुपरफुड
गर्मीमा जब तपाईंको शरीर 'डिहाइड्रेटेड जोन' मा पुगेको हुन्छ, त्यही बेला आएको हुन्छ ,सातु र सरबत ! सरबत भनेको अलैंची, सुकुमेल, मरिच र सख्खरको स्वर्गीय मिश्रण हो। र सातु भनेको "अन्नहरूको सुपरपाउडर" — जौ भुटेर, पीसेर घोलेर बनाएको अमृत ।
अक्षय तृतीयामा स्नान गरौँ, दान गरौँ, सातु-सर्बत खाऔँ र चिसो हावा सँगै जिन्दगीको नयाँ रिफ्रेस बटन थिचौँ! किनभने आज "पुण्य" पनि अनलिमिटेड छ र "सरबत र सातु" पनि अनलिमिटेड! 😄अब भन्नुहोस् अक्षय तृतीयाले स्वास्थ्य, पुण्य र मिठास तिनै कुरामा हाइब्रिड प्याकेज दिएको छैन त?
अन्त्यमा: तपाईंका लागि स्पेसल साइत टिप्स!
बिना लग्न बिहे गर्न चाहनुहुन्छ?
आजको दिन ब्रह्माण्ड आफैंले "साइत अप्रुभ्ड" गरिदिएको हुन्छ! महादेव–पार्वतीको विवाह पनि आजकै दिन भएको हो भन्ने पौराणिक मान्यता छ। साइत हेर्नु नपर्ला — फेसबुकले “Happy Akshaya Tritiya” लेखेर सम्झाइ हाल्छ!
लौ त Happy Akshaya Tritiya to All!